Препораки до управителите на згради и куќни совети за подигнување на нивото на хигиена во влезовите

Зголеменото одржување на хигиената и во колективните објекти за домување – згради е еден од предусловите за поголема заштита од ширење на COVID – 19 (коронавирусот).

 

Токму за оваа цел, градоначалникот на Општина Карпош, Стефан Богоев испрати препораки до сите заедници на сопственици, управители на згради, куќни совети, за подигнување на нивото на хигиена во влезовите.

 

Во прилог на писмото се испратени и препораките од надлежните институции, со намера истите да бидат поставени на огласните табли на влезовите и граѓаните да бидат информирани за мерките.

 

Локалната самоуправа продолжува со интензивни мерки за спречување на коронавирусот: темелно се мијат улиците, следува дезинфекција на училиштата и градинките (пред почеток на наставата), се поставуваат информативни постери со препораките на фреквентни места, а преку електронски пат може да се извади потврда за редовен ученик или одење во градинка.

 

 




© Скопски портал. Сите права се заштитени.