Крстосницата кај Собранието затворена за сообраќај во наредните три дена

Град Скопје известува дека, почнувајќи од утре (10 октомври) во 6 часот, па сè до понеделник (12 октомври) во попладневните часови, целосно затворена за сообраќај ќе биде крстосницата кај македонското Собрание, односно крстосницата меѓу улиците 11 Октомври и Даме Груев поради изведување градежни работи.

За сообраќај ќе бидат слободни само десното вртење од улицата Даме Груев кон улицата 11 Октомври и десното вртење од улицата Филип Втори Македонски кон улицата Димитрие Чуповски.

Автобускиот превоз ќе се движи по улиците Даме Груев и Филип Втори Македонски.

Градските власти апелираат до сите учесници во сообраќајот да ги почитуваат воведениот режим на сообраќај и поставената патна сигнализација.




© Скопски портал. Сите права се заштитени.