Од утре до недела собирање кабаст отпад во Аеродром

Почнувајќи од утре, петок, 10 јули, па во наредните три дена, на територијата на Општина Аеродром ќе бидат поставени контејнери за собирање кабаст отпад на три локации - на бул. „Февруарски поход“ во близина на супермаркетот „Рамстор“2, во Ново Лисиче на бул. АСНОМ меѓу бр. 42 и 44 и кај стара Стела во Аеродром.

 

Граѓаните ќе можат да го оставаат својот стар мебел и отпад од електронска и електрична опрема во поставените контејнери, но не и градежен шут.

 

„Во наредниот период ќе бидат поставени контејнери и на други локации низ Аеродром, така што оваа акција ќе се одвива подолг период“, велат од Општината.

 

Фрлањето на кабастиот отпад на јавна површина надвор од најавените акции за собирање е казниво со закон.




© Скопски портал. Сите права се заштитени.